Bafana laat wapper SA vlag hoog – minister

2013-01-24 07:16

Johannesburg – Fikile Mbabula, minister van sport, het die nasionale sokkerspan geluk gewens ná hul eerste oorwinning van die Afrika-bekertoernooi (Afcon).

Bafana Bafana het Angola 2-0 in Durban geklop, en bo-aan die punteleer van groep A geëindig. Dit was die span se tweede wedstryd van die toernooi.

"Die span het toewyding getoon om te wen en hulle laat die vlag hoog wapper," het Mbalula, wat die truie voor die wedstryd aan die spelers oorhandig het, gesê.

"Ons is trots op hulle en sal hulle aanhou ondersteun in hul komende wedstryde."

Bafana Bafana se eerste wedstryd van die toernooi teen die Kaap Verdiese Eilande het Saterdag gelykop geëindig. Die span sal Saterdag in Durban in hul laaste groepwedstryd teen Marokko te staan kom.

– Volg Nuus24Sport op Twitter

- SAPA