'Baby Jake' bankrot en siek
2010-10-29 15:33
Kaapstad - Volgens 'n berig in die Sowetan is die bokslegende, 'Baby Jake' Matlala, bankrot en kan hy nie sy mediese rekeninge betaal nie.
Pastoor Allan McCauley van die Rhema kerk het bevestig dat dié viermalige wêreldkampioen finansieël sukkel en dat Rhema probeer om geld vir hom in te samel.
McCauley het gesê die 48-jarige oud-bokser het dubbele longonsteking gehad en is op 13 Oktober uit die Lesedi kliniek in Soweto ontslaan.
"Baby Jake is al jare 'n lid van ons gemeente en 'n goeie vriend van my én pastoor Ray McCauley. Hy behoort ongelukkig nie aan 'n mediese fonds nie en sit nou met mediese onkostes van duisende rande," het McCauley gesê.
Volg Nuus24 op Twitter.
- Sport24