Azarenka wen Aus-Ope

2013-01-26 14:02

Melbourne – Victoria Azarenka het haar Australiese Ope-titel behou met ‘n spanningvolle oorwinning van 4-6, 6-4, 6-3 oor China se Li Na wat ‘n enkelbesering in die tweede stel opgedoen het en haar kop in die derde stel gekap het toe sy haar enkel vir ‘n tweede keer seergemaak het.

Li het Saterdag se eerste stel gedomineer, maar Azarenka het 3-1 voorgeloop in die tweede stel voordat Li gegly en haar linker enkel geswik het.

Haar enkel is verbind, maar sy het probleme gehad om te draai en Azarenka het die stel 6-4 gewen.

Die Chinees, wat sesde geplaas is en in 2011 met die titel weggestap het, het 2-1 voorgeloop in die beslissende stel.

Azarenka het haar dien in die vyfde pot gebreek, waarna sy 4-1 voorgeloop het. Sy het Li in die negende pot geklop om as kampioen weg te stap.

– Vir die jongste sportnuus volg Nuus24Sport op Twitter


 

- Reuters