Aussie meen Semenya se testosteroon is "normaal"
2009-08-26 10:44
Kaapstad – ’n Australiese gesondheidsnavorser meen Caster Semenya is voortydig gekruising oor haar abnormale testosteroonvlakke.
Dinsdag is berig dat toetse wat op Semenya gedoen is drie keer die normale testosteroonvlakke van ’n vrou toon.
Dié toetste is gedoen ná dié ster-atleet se wedlooptyd radikaal verbeter en twyfel oor haar geslag aangevuur het.
Volgens die Sydney Morning Herald se webwerf sê prof. Susan Davis, ’n dokter en gesondheidsnavorser aan die Monash-universiteit in Australië, dat daar ’n baie groot reeks van sogenaamde “normale” testosteroonvlakke is wat natuurlik in vroue voorkom.
Davis het ook gesê sekere mediese toestande natuurlik meer as gewoonlik testosteroon in vroue produseer, maar dui op geen manier dat hulle mans is nie.
“Om vir (Semenya) voordeel van die twyfel te gee is daar toestande in vroue wat gepaardgaan met hoër testosteroonvlakke wat normaal is en gebeur sonder dat hulle dwelms neem of mans is.”
Die mees algemene hormoontoestand is polisistiese eierstoksindroom (PCOS) wat tussen 5 en 10% van die bevolking affekteer, het die Polisistiese Eierstoksindroom Vereniging van Australië gesê.
“In ons samelewing word dit met medikasie behandel omdat niemand hare in hul gesig of aknee wil hê nie,” het Davis gesê.
Davis het self met twee vroue-atlete gewerk wat dié toestand het.
“Ek moet versitig wees. As ek hulle behandel om hul testosteroonvlakke te verlaag en gesighare verminder kan hul sportvermoëns kwyn. Hulle neem nie testosteroon nie, dit is hulle natuurlike biologie.”
In die afwesigheid van definitiewe toetsuitslae kan die moontlikheid nie uitgesluit word dat Semenya ’n soortgelyke toestand het nie, het Davis gesê.
“Daar is altyd die moontlikheid van testosteroon-misbruik, maar ’n mens gaan nie testosteroon vat en na die Wêreldkampioenskappe gaan wetend as jy gaan wen jy getoets gaan word nie.”
– Sport24