Aussie-fietsryer sterf in Cape Epic
2010-03-23 10:53
Kaapstad - Volgens die nuusagentskap IOL het 'n fietsryer, wat aan vanjaar se Absa Cape Epic-bergfietstoer deelneem, vroeg Dinsdagoggend gesterf.
James Williamson (26), redakteur van 'n bergfietstydskrif in Australië, het in Ceres se privaathospitaal omstreeks 06:47 gesterf nadat sy spanmaat Shaun Lewis hom nie na die vorige aand se nagrus kon wakker kry nie.
Die Absa Cape Epic strek oor 722 km en het Sondag in Kaapstad begin. Twintig fietsryers moes reeds op die eerste dag van dié uitmergelende fietstoer onttrek weens ernstige beserings en hitte uitputting.
- IOL