Aus Ope: Russe wen dubbelspeltitel

2012-01-27 16:44

Melbourne – Svetlana Kuznetsova en Vera Zvonareva van Rusland het die vroue-dubbelspeltitel Vrydag by die Australiese Ope in Melbourne gewen.

Die ongekeurde tennispaar, wat by verlede jaar se Franse Ope laas saam gespeel het, het die Italianers Sara Errani en Roberta Vinci met 5-7, 6-4 en 6-3 geklop.

Zvonareva het die Amerikaanse Ope saam met Nathalie Dechy in 2006 gewen en Kuznetsova was saam met Alicia Molik die dubbelswenners by die 2005 Australiese Ope.

Vir die jongste sportnuus volg Nuus24Sport op Twitter.

- Sapa - AFP