Atletiekbeampte deur diskus getref

2011-06-25 15:59

Johannesburg – ‘n Atletiekbeampte is in ‘n kritieke toestand nadat sy Saterdag deur ‘n diskus tydens die winter-atletiekbyeenkoms in Pretoria getref is.

Die beampte is deur ‘n diskus getref wat deur die nasionale kampioen Victor Hogan gegooi was.

Volgens Hugo Minnaar van LifeMed Ambulansdienste was Basetsana Molobye in ‘n kritieke toestand nadat die diskus haar teen die kop getref het.

‘n Ander beampte, Nelson Sambo, is ook getref en was vir sy beserings behandel by die MediClinic Muelmed in Arcadia.

Hogan het na die fratsongeluk nie meer aan die kompetisie deelgeneem nie.

– Volg Nuus24 op Twitter.
 

- SAPA