Atleet sterf tydens NY-driekamp
2011-08-08 15:09
New York – Een atleet is dood en 'n ander is tans in 'n kritieke toestand in die hospitaal nadat hulle Sondag tydens die swembeen van die Nautica New York City-driekamp in die moeilikheid beland het.
Die polisie het gesê die 64-jarige Michael Kudryk van Freehold, New Jersey, is bewusteloos uit die Hudson-rivier getrek. Daar was dadelik vermoed dat hy 'n hartaanval gekry het.
Hy is by die hospitaal dood verklaar.
'n 40-jarige vrou van die staat Illinois, wie se naam nie onmiddelik bekend was nie, is in 'n kritieke toestand in die hospitaal met symptome wat dui op 'n hartaanval.
Die vrou en 26 ander moes uit die water gered word vir mediese behandeling tydens die swembeen van die kompetisie.
Die organiseerder van die driekamp, Bill Burke, het gesê meer as 3 000 atlete het aan die driekamp, wat uit 2,5 km swem, 40 km fietsry en 9,6 km draf bestaan het, deelgeneem.
Vir die jongste sportnuus volg Nuus24Sport op Twitter.
- Sapa - AFP
