Armstrong sál glo bieg in onderhoud

2013-01-12 09:01

Los Angeles – Lance Armstrong beplan glo om te erken dat hy wel opkikkers gebruik het wanneer Oprah Winfrey Maandag by sy huis in Austin, Texas, 'n onderhoud met hom voer, het USA Today berig.

Die publikasie het "'n bron met kennis van die situasie" aangehaal, wat gesê het Armstrong beplan om te erken dat hy deur die loop van sy loopbaan opkikkers gebruik het, maar dat hy waarskynlik nie oor spesifieke gevalle sal uitbrei nie.

Die aankondiging dat Armstrong ingestem het tot 'n onderhoud met Winfrey, het dadelik tot bespiegeling gelei dat hy sal erken hy het opkikkers gebruik.

Dit sal Armstrong se eerste onderhoud wees sedert sy sewe Tour de France-titels verlede jaar by hom afgeneem is. Die onderhoud sal op die Oprah Winfrey Network verskyn.

– Volg Nuus24 op Twitter.

- Sapa - AFP