Armstrong mag nie Ysterman doen

2012-06-14 15:29

Nice – Die sewemalige Tour de France-kampioen, Lance Armstrong, sal verbied word om aan die Ysterman-kompetisie in Nice, Frankryk, deel te neem hangende die uitkoms van 'n ondersoek deur die Amerikaanse agentskap teen verbode middels (USADA), het organiseerders Donderdag gesê.

USADA het Armstrong Woensdag formeel aangekla van opkikkergebruik, het die Washington Post vroeër berig.

'n Brief wat deur USADA aan Armstrong gestuur is beweer monsters wat in 2009 en 2010 van die fietsryer geneem is, is "ten volle ooreenstemmend met bloedmanipulasie insluitend EPO-gebruik en/of bloedoortappings."

"Volgens die reëls van die Wêreld-driekampfederasie (WTC) mag geen atlete wat ondersoek word aan die kompetisie deelneem nie, het 'n woordvoerder vir die organiseerders, Delphine Vivet, gesê.

Vir die jongste sportnuus volg Nuus24Sport op Twitter.

- Sapa - AFP