Armstrong-bekentenis 'n 'hartseer dag vir fietsry'

2013-01-21 13:06

Buenos Aires – Alberto Contador, wat twee keer die Tour de France gewen het, het Lance Armstrong se bekentenis dat hy opkikkers gebruik het, as ‘n swart dag vir fietsry beskryf, maar steeds volgehou dat die sport ‘n dwelmvrye toekoms kan hê.

Contador, wat die Tour de France in 2007 en 2009 gewen het voor hy van die 2010-titel gestroop is omdat hy ‘n opkikker-toets gedop het, het gesê hy glo Armstrong se bekentenis kan 'n nuwe era inlui ná fietsry se onlangse geskiedenis.

“Dit is waar dat sy onderhoud die beeld van fietsry beskadig het, maar ek sien goeie dinge wat hieruit gaan kom,” het Contador aan Marca.com gesê.

Contador het in Augustus sy terugkeer na fietsry gemaak.

Hy het ook bygevoeg dat niks wat tydens die onderhoud met Oprah Winfrey gesê is, hom verbaas het nie.

– Vir die jongste sportnuus volg Nuus24Sport op Twitter.
 

- AFP