Andy Roddick bêre tennisraket
2012-08-31 07:27
New York – Die veteraan-tennisspeler Andy Roddick het Donderdag, op sy 30ste verjaardag, bekendgemaak dat hy ná afloop van die Amerikaanse Ope in Flushing Meadows, New York sal uittree.
Alhoewel die Amerikaner Vrydag in die volgende ronde teen die 19-jarige Bernard Tomic van Australië te staan kom, het hy Donderdag by 'n volgepakte mediakonferensie gesê: "Ek gaan dit kort en kragtig maak. Hierdie sal my laaste toernooi wees," voordat hy voortgegaan het om joernaliste se vrae te beantwoord
Roddick het gesê hy beplan om na Austin, die hoofstad van Texas, te verhuis waar hy 'n tennis-akademie wil begin.
Die voormalige nr.1 tree uit met 32 enkelspel-titels, een Amerikaanse Ope-kroon en 'n nr. 1-posisie op die wêreldrangleer aan die einde van November 2003.
Alhoewel hy in onlangse jare gesukkel het om 'n indruk te maak teen top-spelers, was een van sy hoogtepunte vanjaar 'n oorwinning oor die eerste gekeurde Roger Federer in Miami.
Vir die jongste sportnuus volg Nuus24Sport op Twitter.
– Sport24
