Armstrong moet Olimpiese medalje teruggee

2013-01-17 15:35

Londen – Die Internasionale Olimpiese komitee (IOK) het Lance Armstrong in kennis gestel dat hy sy brons medalje, wat hy by die Sydney Spele in 2000 gewen het, kwyt is.

Twee beamptes het Donderdag aan die Associated Press gesê dat die IOK in 'n brief, wat Woensdagaand gestuur is, vir Armstrong gevra het om die medalje terug te gee.

Die beamptes het op voorwaarde van anomiteit gepraat omdat die besluit nog nie aangekondig is nie.

Die uitvoerende raad van die IOK het reeds in Desember oor die kwessie vergader, maar die besluit uitgestel totdat die Internasionale fietsryliggaam Amstrong van sy sewe Tour de France-titels gestroop het.

Lees verder.

Volg Nuus24 op Twitter.

- AP