Ali se afrigter sterf op 90
2012-02-02 12:01
New York – Angelo Dundee, die gevierde afrigter wat Muhammed Ali en Sugar Ray Leonard tot boksglorie gelei het, is Woensdag in die ouderdom van 90 jaar in Tampa, Florida, oorlede.
Dundee se dood is deur sy seun, Jimmy, bevestig, het die Associated Press gesê.
Nadat hy 'n helper (cornerman) by militêre bokstoernooie in Engeland tydens die tweede Wêreldoorlog was, het Dundee by die Stillman's gimnasium in New York gaan werk.
In die vroeë 1950's het hy en sy broer, Chris, die Fifth Street gymnasium in Miami geopen waar hulle as afrigter en promoter saamgewerk het.
Dundee het 'n talentvolle amateur met die naam Cassius Clay op 'n dag 'n paar wenke gegee en in Desember 1960, na Clay se eerste professionele boksgeveg, het Dundee Muhammed Ali se afrigter geword.
Lees verder.
Vir die jongste sportnuus volg Nuus24Sport op Twitter.
– NYTimes