Agassi moet sy titels prysgee
2009-11-10 17:21
Parys – Die voormalige No.1 speler Marat Safin sê Andre Agassi moet sy titel opgee nadat hy erken het dat hy tydens sy loopbaan positief getoets het vir dwelms en aan die ATP daaroor gejok het.
Agassi het in sy biografie Open erken dat hy metamfetamien (tik) in 1997 gebruik het en daaroor gelieg het toe gesê het dat hy dié dwelm ingekry het toe iemand dit in ‘n drankie gesit het sonder sy medewete.
Safin, wat hierdie maand sal aftree, het Dinsdag tydens ‘n onderhoud met die koerant L'Equipe gesê dat Agassi sy titels, geld en Grand Slam status moet prysgee om sodoende heeltemal eerlik te wees.
- Sapa