ASA vergader oor Semenya
2009-09-24 10:34
Johannesburg - Atletiek Suid-Afrika (ASA) gaan Donderdag vergader om die kontroversie rondom Caster Semenya te bespreek.
Dít is aangekondig deur Kakata Maponyane, vise-president van ASA. Die vergadering aan in Kemptonpark gehou word.
ASA se grootbaas, Leonard Chuene, het onlangs onder groot kritiek deurgeloop nadat hy erken het dat hy gelieg het oor Semenya se geslagstoetse.
Nie Maponyane of Chuene wou uitbrei oor die agenda nie, hoewel daar uit verskeie oorde gevra word dat Chuene moet bedank.
Hy het erken dat hy die advies van ASA se spandokter, Harold Adams, in Berlyn geïgnoreer het toe laasgenoemde voorgestel het dat Semenya uit haar 800m resies onttrek word. Adams het sy voorstel gemaak gebaseer op die resultate van Semenya se geslagstoetse, maar Chuene wou nie gehoor gee hieraan.
- Sapa