ASA sal uitvind oor Mokoena se afwesigheid
2010-10-03 18:05
Johannesburg – James Evans van Atletiek Suid-Afrika het Sondag erken dat die federasie nie seker was oor die besonderhede nie, maar dat hulle sal uitvind waarom die verspringer Khotso Mokoena nie opgedaag het om saam met die res van die land se deelnemers vir die Statebondspele te vertrek nie.
Die vlug was na Nieu-Delhi onderweg vir die Spele en talle van die ander deelnemers sukkel met beserings.
Die Statebondspele skop Sondagaand af met die openingseremonie en die sportprogram sal Maandag begin, maar Mokoena het agtergebly toe die res van die baan-en veldspan Donderdagaand vertrek het.
Die 25-jarige het met ‘n beenbesering gesukkel, maar het verlede week fiksheidstoetse geslaag en is deur die Suid-Afrikaanse spandokter Shuaib Manjra toestemming gegee om deel te neem.
Volgens Evans glo ASA dat die Olimpiese silwer-medalje-wenner, wat glo sowat ses weke se oefening gemis het, besluit het om die geleentheid te boikot as gevolg van ‘n tekort aan kompetisie in onlangse maande.
“Die ASA het oor die naweek vergader en terwyl ons nog nie seker is oor die besonderhede nie, is ‘n besluit geneem om die situasie te hanteer, het Evans gesê.
“Ons het nog nie met hom gepraat nie, so ons is nog nie seker van die besonderhede nie. Ons neem aan hy wil nie deelneem nie, aangesien hy nog nie sedert die Afrika Kampioenskappe, meer as twee maande gelede, deelgeneem het nie. Alhoewel hy dalk fiks is, word dit bevraagteken of hy fiks is vir kompetisies.”
‘n Woedende Tubby Reddy, hoof van die Suid-Afrikaanse Sportkonfederasie en Olimpiese komitee (Saskok), het oor die naweek in ‘n verklaring gesê dat daar teen Mokoena “opgetree sal word” en dat die land se Olimpiese beheerliggaam sy gedrag as “onaanvaarbaar” ag.
Bly op hoogte van al die jongste sportnuus deur Nuus24Sport op Twitter te volg.
- SAPA