1000 dwelmtoetse vir atlete
2009-08-11 17:36
Berlyn – Meer as ‘n rekord 1000 dwelmtoetse word beplan vir die opkomende wêreld atletiek kampioenskappe, het die bestuursliggaam IAAF Dinsdag gesê.
Die IAAF het gesê dat meer as 600 bloedmonsters voor Saterdag se begin geneem sal word.
Nog 400 bloed- en urinemonsters sal gedurende die kompetisie, wat op 23 Augustus eindig, geneem word.
Die monsters sal gehou word vir moontlike latere toetse en sal deel uitmaak van die bloedtoetse wat atlete moet slaag om deel te kan neem.
Die dwelmtoetse sal gepaard gaan met opvoedkundige aktiwiteite oor dwelmmisbruik wat deur die IAAF aangebied sal word.
Ongeveer 2100 atlete van meer as 200 lande is op die voorlopige inskrywingslys vir die grootste internasionale sportgeleentheid van die jaar.
Lamine Diack, die president van IAAF, het gesê dat die program daargestel is om die skoon atlete te beskerm “sodat ons in Berlyn saam kan staan en hulle prestasies kan vier.”
Bloed- en urinemonsters kan gehou en geanaliseer word vir analise deur die IAAF in die toekoms indien nuwe onwettige middels of metodes bekend word.
“As hulle dink hulle kan by ons kampioenskappe opdaag met onwaarneembare dwelms en wegkom daarmee gaan hulle ‘n groot skok kry, en ons vorige vervolgings getuig hiervan.”
- Sapa