iPhone stof Kim Kardashian, Katy Perry uit
2011-12-02 13:05
New York – Apple se iPhone het groot nuusgebeure, bekendes en popsterre almal uitgestof om die mees gesoekte term op die internet in 2011 te wees.
Die internet-maatskappy Yahoo! het gesê die slimfoon was ‘n gewilder onderwerp aanlyn as Kim Kardashian, Katy Perry en Jennifer Lopez – wie almal in die top vyf was.
Die Amerikaner Casey Anthony, wat van die moord op haar jong dogter vrygespreek is, was nommer twee op die lys.
“Dit is die eerste keer sedert 2002 wat ‘n elektroniese toestel die eerste plek beklee,” het Vera Chan, ‘n ontleder van Yahoo!, gesê.
Die PlayStation 2 het die posisie in 2002 beklee.
– Volg Nuus24 op Twitter.
- Reuters