iPhone 5 binnekort in SA
2012-12-04 07:02
Kaapstad – Die iPhone 5 word op 14 Desember in Suid-Afrika vrygestel, het die Amerikaanse tegnologiereus Apple bekend gemaak.
Die iPhone 5, wat op 21 September in die Verenigde State, Kanada, die Verenigde Koninkryk Duitsland en Australië vrygestel is, is reeds beskikbaar in 47 lande.
Die toestel, wat 'n stoorvermoë van 16 GB, 32 GB en 64 GB het, sal in wit en swart beskikbaar wees.
Die iPhone 5 word 'n week later – op 21 Desember – in Botswana, Kameroen, Egipte, die Ivoorkus, Kenia, Madagaskar, Mali, Marokko, Niger, Senegal en Uganda vrygestel.
Die selfoondiensverskaffer Vodacom het intussen bevestig dat hy die toestel op 14 Desember in Suid-Afrika gaan vrystel, maar sê prysinligting sal nader aan die tyd beskikbaar wees.
MTN, Cell C en 8ta het nie kommentaar gelewer nie.
– Lees meer hier
– Volg Nuus24 op Twitter
