iPad in sekere lande vertraag
2010-07-26 14:33
Kaapstad – Daar is slegte nuus vir lande wat steeds wag vir die bekendstelling van die nuwe iPad.
LG, een van die grootste verspreiders van Apple se iPad-tabletrekenaar, het aangekondig dat hulle nie die reuse aanvraag na die toestel sal kan bevredig nie.
“Die aanvraag vanaf Apple bly groei en ons sal nie alles betyds gereed hê nie. Apple sal dalk van sy bekendstellings moet uitstel weens die reuse aanvraag na die produk,” het Kwon Young-soo, uitvoerende hoof van LG gesê.
Onlangs het die iPad winkelrakke getref in Oostenryk, België, Hong Kong, Ierland, Mexiko, Luxemburg, Nederland, Nieu-Seeland en Singapoer.
Apple was egter versigtig deur nie ‘n datum vas te maak vir die bekendstelling van die iPad in die res van die wêreld nie.
- Vir die volledige storie besoek Mashable.
- Volg Nuus24 op Twitter.