Winehouse, Noorse skieter hou swendelaars besig
2011-07-25 14:13
Johannesburg – Internetswendelaars het kort na die dood van die Britse sangeres Amy Winehouse treurende aanhangers se gevoelens begin uitbuit.
Verskeie vervalste video’s van Winehouse, glo kort voor haar dood, word op Facebook versprei.
Een só 'n "video" het die titel "Leaked Video!! Amy Winehouse On Crack hours before death".
‘n Ander video belowe “Video leaked of amy winehouse's death!! Warning: Graphical Content”.
Die swendelaars gebruik ook nou die onlangse skietery en bomaanval in Noorweë as ‘n sluier waaragter ‘n rekenaarvirus verskuil word, het die aanlyn sekerheidsmaatskappy Sophos gesê.
Dié slenter word onder die titel "[Video] OSLO Security Camera Captures Blast!" op sosiale netwerke versprei.
Slagoffers wat op die vervalste skakels kliek, word na ‘n vervalste videospeler deurgeskakel waaragter ‘n kwaadwillige virus glo skuil.
– Lees meer hier.
– Volg Nuus24 op Twitter.