Whitney, Velvet Sky gewildste soekterme in SA
2012-12-13 08:55
Johannesburg – Whitney Houston is die naam waarna die meeste Suid-Afrikaners in 2012 op die soekenjin Google gesoek het.
Volgens Julie Taylor, kommunikasiebestuurder vir Google in Afrika Suid van die Sahara, het mense ook baie belang gestel in die lugredery Velvet Sky, wat vroeër vanjaar bankrot gespeel het.
Sy het gepraat oor ’n onlangse studie wat gedoen is oor die Google-gewoontes van Suid-Afrikaners.
News24 was die gewildste nuuswebwerf waarna mense gesoek het, met Beeld in die tweede plek. Die Burger en Volksblad was ook in die toptien.
Taylor het gesê abstrakte soekterme word ook dikwels gebruik.
Die term “Wat is liefde?” is uitgewys as die gewildste soekterm onder die kategorie “Wat is?...”. Ander treffers in dié kategorie sluit in wat is MIV, wat is armoede, wat is kanker en wat is tegnologie?
Ander gewilde soekterme in Suid-Afrika oor die afgelope jaar was Caster Semenya, Olympics 2012, Hurricane Sandy, How to kiss?,How to study? en What is poverty?
– Lees hier meer.
– Volg Nuus24 op Twitter.
- SAPA
