Wetenskaplikes ontdek ‘maer gene’
2011-09-01 13:42
Londen – Wetenskaplikes het die genetiese oorsaak gevind van 'n sindroom wat kinders se groei kniehalter en volwassenes erg ondergewig laat.
Die nuwe navorsing, gepubliseer in die joernaal Nature, het bevind mense met te veel dele van ‘n sekere geen is meer geneig om baie maer te wees.
Die navorsers het ook bevind dit laat kinders met 'n sindroom wat hulle groei kniehalter.
Een uit elke 2 000 mense het ekstra dele van chromosoom 16 wat mans 23 keer en vroue vyf keer meer geneig maak om erg ondergewig te wees, het die navorsers bevind.
Normaalweg erf elke persoon ‘n duplikaat van elke chromosoom van beide ouers.
Soms word sekere dele van die chromosome egter gedupliseer of uitgevee en dit kan te veel of te min genetiese brokkies tot gevolg hê.
“In baie gevalle het duplikasies en uitwissings geen effek nie, maar soms kan dit tot siektes lei,” het Philippe Froguel van die Imperial College London gesê.
Froguel en sy kollegas het 95 000 vrywilligers se genetika bestudeer.
– Volg Nuus24 op Twitter.
- AFP