Wetenskaplikes krap kop oor dié nommer
2010-03-09 02:47
Londen - 'n Veldtog om die nommer 1,000,000,000,000,000,000,000,000,000 hella te doop, word sterk deur wetenskaplikes ondersteun.
'n Aanlynpetisie wat in Kalifornië – waar die woord "hella" plattaal is vir "baie" – begin is vra dat dié woord internasionaal herken word om by mega, kilo en giga aan te sluit.
Die woord sal van toepassing wees op syfers met 27 nulle na die eerste getal.
Meer as 20 000, waaronder wetenskaplikes en studente, het 'n petisie op Facebook onderteken.
Die grootste getal met 'n erkende voorvoegsel, is 'n "yotta", 'n getal met 24 nulle.
– Daily Mail