Werksplek bedreiging vir jou brein
2009-11-07 04:28
New York – Volgens ‘n boek oor neurowetenskappe, is die moderne werksplek is ‘n plek vol bedreigings en onderbewustelike vrese wat met jou kop kan smokkel en selfs breinkrag kan verwoes.
Die vloei van chemikalieë in die brein wat op ‘n algemene werksdag gestimuleer word (soos as jou baas jou inroep vir terugvoering), vreet aan 'n mens se vermoë om reguit te dink.
Dit benadeel produktiwiteit, probleem-oplossing en is ook baie sleg vir samewerking onder kollegas.
As die werksplek egter met ‘n dieper respek die brein se werking benader, kan dit ‘n hoogs bevredigende en kreatiewe ervaring wees.
Die skrywer van “Your Brain at Work” maak die stelling dat 'n mens se brein sosiaal is, nie rasioneel nie.
“Ons strewe vir sosiale vergoeding en om sosiale bedreiging so veel as moontlik te verminder,” het David Rock, die skrywer van “Your Brain at Work” gesê.
Rock het ook ‘n maatskappy begin wat die navorsing inkorporeer in leierskap seminare.
Hy identifiseer vyf areas wat die brein maklik kan laat bedreig voel: status, sekerheid, selfstandigheid, verwantskap en regverdigheid.
Indien ons enige van die areas negatief ervaar, fokus ons brein op bedreiging en word algehele produktiwiteit benadeel.
- Reuters