WB tweede gewildste soek-onderwerp
2010-12-01 21:24
Kaapstad - Die Fifa-Wêreldbeker was vanjaar die tweede gewildste soek-onderwerp op die Internet.
Die Internet-soekenjin, yahoo.com, het 'n lys van die gewildste soekonderwerpe van 2010 bekendgemaak.
Die webwerf doen dit jaarliks sedert 2001. Vir die eerste keer is 'n nuusgebeurtenis die gewildste onderwerp.
Dit is teenstrydig met ander jare wat veral populêre sangers en vermaaklikheidskunstenaars goed doen op die lys.
Die oliestorting in die Golf van Meksiko het vanjaar die meeste trefslae gehad. Dit is gevolg deur die Wêreldbeker.
Miley Cyrus, bekend vir haar rol as Hannah Montana, was derde. Kim Kardashian is vierde, gevolg deur Lady Gaga en die iPhone.
Die jong sanger Justin Bieber maak sy eerste verskyning op die lys, terwyl Britney Spears,wat voorheen die gewildste was, net-net die lys maak in die tiende plek.
- RSG
Volg Nuus24 op Twitter