Vuvuzelas blaas versprei siektes
2011-05-25 10:38
New York – Nie net kan die eentonige geraas van vuvuzelas sokkeraanhangers laat hoop vir ‘n telling van 0-0 om die ore te spaar nie, maar elke souserige trompetblaas van ‘n maniese aanhanger kan jou ook griep gee.
Ruth McNerney van die London School of Hygiene and Tropical Medicine kon die geblaas van die plastiektrompet tydens die 2010 Sokkerwêreldbeker nie meer aanskou nie en het gaan uitvind of dit wel siektes versprei. Haar navorsing is in die wetenskapjoernaal PLoS ONE gepubliseer.
Sy het een groep vrywilligers in a papier laat skree soos sokkeraanhangers by gewoonte maak, terwyl ander hulle met vuvuzelas doodgeraas het.
‘n Laser is gebruik om partikels te tel en ‘n windspoedmeter is gebruik om die spoegspatsels se vlugafstand te meet.
Haar berekeninge het aangedui dat 97% van die kiemspatsels die regte grootte is om in die onderdeel van die lugpyp te gaan vassteek en broei.
Sowat 4 miljoen partikels word per sekonde tydens elke vuvuzela-blaas uitgespoeg terwyl ‘n skreeuende aanhanger slegs 7 000 uitspoeg.
Die gewone gehoes en proes van ‘n siek persoon stel in vergelyking slegs 5 000 partikels vry.
Lees meer hier.
Volg Nuus24 op Twitter.