Vrygewige Google gee gratis internet

2013-01-09 13:16

New York – ‘n Buurt in Manhattan het die eerste in New York geword om gratis WiFi-internettoegang te kry – en dis alles te danke aan Google.

“Al wat jy nodig het is ‘n skootrekenaar of ‘n selfoon of enige ander toestel met WiFi om aalyn te kom,” het Ben Fried, Google se hoof-inligtignsbeampte, tydens ‘n mediakonferensie gesê.

Chelsea in Manhattan strek oor sowat 20 blokke, en Google het reeds 'n sterk korporatiewe teenwoordigheid in die buurt.

“Die buurt kan nou daarop aanspraak dat dit die enigste buurt in Manhattan is wat gratis buitemuurse WiFi verskaf,” het Michael Bloomberg, New York se burgemeester, gesê.

Hy het gesê hy hoop New York sal een van die dae by Kalifornië se Silicon Valley kan oorneem as die “tegnologiefokuspunt" van die wêreld.

Meer as 100 000 mense sal na raming daagliks van die WiFi gebruik maak.

– Volg Nuus24 op Twitter
 

- Sapa - AFP