Meer gevare vir vrouerokers
2013-01-24 11:35
Washington – Vrouerokers staan nou ‘n groter kans om longkanker op te doen as enige ander tyd in die nabye verlede, het ‘n studie wat Woensdag gepubliseer is, aangedui.
Die navorsing wat in die New England Journal of Medicine (NEJM) gepubliseer is, toon ‘n merkwaardige toename in sterftes onder vrouerokers as gevolg van longkanker, chroniese obstruktiewe longsiektes en ander gesondheidskwale.
Navorsers het in die studie van meer as 2,2 miljoen volwassenes van 55 jaar en ouer bevind dat vroue wat in die 1960's gerook het, se kanse 2,7 keer groter was om longkanker op te doen as dié wat nog nooit gerook het nie.
Vandag is dié groep se risiko egter 25,7 keer groter as in die 1960’s, het 'n verslag gelui.
Die studie is gelei deur Michael Thun, ‘n fisikus wat onlangs afgetree het as die adjunkpresident van die Amerikaanse Kankergemeenskap.
Thun het gesê dit is kommerwekkend dat die hoë risiko wat vrouerokers loop steeds toeneem, al is die risiko’s al vir jare bekend.
Die toename in “ligte” en “matige” sigarette, wat vir vroue bemark is, is een van die redes waarom die risiko nou soveel hoër is, het Thun byegvoeg.
“Die verdunde rook van die sigarette word dieper ingeasem in die longe in om die absorpsie van nikotien te behou,” het Thun in ‘n verklaring gesê.
– Volg Nuus24 op Twitter
- Sapa - AFP
