Vroue wat rook, ervaar vroeër menopouse
2011-10-17 18:58
New York – Vroue wat rook kan ‘n jaar vroeër menopouse ervaar as vroue wat nie sigarette aansteek nie, het ‘n studie bevind.
Die studie is in die joernaal Menopause gepubliseer en die navorsers het data van vorige studies, wat sowat 6 000 vroue ingesluit het, interpreteer.
Vroue wat nie rook nie ervaar menopouse tussen die ouderdom van 46 en 51, terwyl rokers tussen 43 en 50 menopouse beleef.
Tydens menopouse vervaardig die vrou se eierstokke nie meer eiers nie en sy kan nie meer swanger raak nie.
“Ons bevindinge is bewyse dat rook verband hou met vroeër menopouse,” het die navorser, Volodymyr Dvornyk van die Universiteit van Hong Kong, gesê. “Dit is nog ‘n rede vir vroue om die gewoonte te vermy.”
– Volg Nuus24 op Twitter.
- Reuters