Vroue se harte 'breek makliker'
2011-11-17 10:18
Orlando – ‘n Vrou se hart breek makliker as ‘n man s’n, het navorsers wat ‘n skaars harttoestand genaamd “gebrokehartsindroom” ondersoek, gesê.
Vroue is meer geneig om aan die “sindroom” te ly wanneer hulle skielik stres ervaar as gevolg van ‘n verhouding wat eindig of die dood van ‘n geliefde, het navorsers gesê.
Vroue wat aan die kwaal ly kry dan simptome soortgelyk aan dié van 'n hartaanval.
Die klassieke geval is “’n vrou wat pas haar man aan die dood afgestaan het,” het die navorser Mariell Jessup van die Universiteit van Pennsylvania in Amerika gesê.
Die kwaal begin wanneer 'n mens ‘n groot skok, selfs ‘n goeie een soos om die lotto te wen, ervaar, en wanneer adrenalien en verskeie streshormone deur die hart pomp.
Die hart word dan oorlaai en dit versteur die ritme en bloedinhoud in ‘n manier soortgelyk aan ‘n hartaanval.
Die navorser Abhishek Deshmukh van die Universiteit van Arkansas het 6 229 gevalle in 2007 ondersoek – slegs 671 daarvan mans. Nadat hy ander faktore uitgeskakel het, het hy bevind vroue is 7.5 keer meer geneig om aan die kwaal te ly.
“Dit is die enigste hartkwaal wat vroue meer as mans raak,” het hy gesê.
Die navorsing is voor ‘n vergadering van die Amerikaanse Hartvereniging voorgelê.
– Volg Nuus24 op Twitter.
- AP