Vreemde seedier op Kaapse strande uitgeken
2011-11-15 11:45
Kaapstad – Buitengewone seediere wat onlangs op strande rondom Kaapstad uitgespoel het, is uitgeken as ‘n skaars soort eendmossel.
Dié eienaardige wesens, met hul slymerige tentakels met skulpe aan die punte, het mense op strande rondom die stad die afgelope paar weke verstom.
“Ek loop 35 jaar lank op hierdie strand en ek het nog nooit so iets gesien nie,” het ‘n bejaarde van Kommetjie gesê terwyl hy een van die gediertes met ‘n stuk dryfhout bekyk en betas het.
Die marinebioloog Charles Griffiths het gesê die diere is bekend as boei-eendmossels en hul verskyning in die Wes-Kaapse waters is ‘n gebeurtenis wat slegs “eens in ‘n leeftyd” sal voorkom.
“Hierdie bloeisel eendmossels is bloot eenvoudig massief,” het hy gesê.
Dié vreemde dier is die enigste eendmosselspesie wat op sy eie kan ronddryf, verduidelik die kenner.
“Die jong eendmossel klou aan ‘n uitgegroeide maat van sy spesie vas soos ‘n ornament op ‘n kersboom,” het Griffiths verduidelik. “Dit is ‘n baie interessante spesie.”
– Volg Nuus24 op Twitter.
- SAPA