Volstruis-are dalk binnekort vir hartomleidings gebruik

2012-12-07 16:09

Tokio – Wetenskaplikes in Japan het die are van volstruise gebruik om 'n suksesvolle hartomleiding op 'n vark uit te voer – wat beteken dat 'n soortgelyke prosedure moontlik binnekort ook op mense gebruik kan word.

Die span het are in die volstruise se nek gebruik om kunsmatige are te vervaardig wat tot 30 cm lank kan wees en twee millimeters dik is.

Konvensionele plaasvervangers, soos die are van dooie mense, diere of sintetiese are, moet gewoonlik dubbel daardie lengte wees om gebruik te word.

“Volstruise is goed omdat hulle langer en nouer are het,” het Tetsuji Yamaoka , hoof van die groep navoresers, gesê.

Navorsers by Yamaoka se laboratorium het die nuwe are gebruik in vyf omleidings wat op miniatuur varke uitgevoer is.

Hulle het bevestig dat bloed deur die are vloei sonder die gebruik van klont-voorkomingsmiddels.

Yamaoka se span beplan om binne die volgende drie jaar kliniese toetse uit te voer.

– Volg Nuus24 op Twitter

- SAPA