Volgende stop: die ruimte
2009-11-04 15:51
Kalifornië - 'n Belangrike week wag op 'n uitvindsel wat kan maak dat ons dalk in die toekoms almal in ‘n hysbak na die ruimte kan reis.
Vandeesweek se sogenaamde Space Elevator Games van $2 miljoen (R15 miljoen) vind op ‘n droë meerbedding in die Mojave-woestyn plaas.
Voertuie sal, aangedryf deur laserstrale, na die ruimte gestuur word op ‘n kabel wat aan ‘n helikopter ongeveer ‘n kilometer uit die lug hang.
Drie spanne het gekwalifiseer om aan die kompetisie naby die Edwards-lugmagbasis deel te neem.
Die kompetisie wat deur ‘n ruimteprogram geborg word, gee ‘n stap nader aan die droom om ‘n ruimte-hysbak uit die gebied van wetenskapsfiksie te neem en dit ‘n werklikheid te maak.
In die skrywer Arthur C. Clarke se 1979 roman, The fountains of Paradise, is hysbakke gebruik as vervoer na die ruimte sonder die gevaar en onkoste van vuurpyle.
Dié kompetisie het nog nooit ‘n wenner in die afgelope drie jaar opgelewer nie en raak al moeiliker.
Voertuie wat deelneem moet op ‘n kabel teen ten minste 5 meter per sekonde die lug in beweeg.
- Sapa