Vodacom beperk BlackBerry Internet Service
2011-09-12 14:05
Johannesburg – Die selfoondiensverskaffer Vodacom het aangekondig hy sal beperkings op die gebruik van sy BlackBerry Internet Service (BIS) plaas.
Vodacom het in 'n verklaring verduidelik slegs 5% gebruikers dra tot 95% van datagebruik tydens spitstyd by wat die spoed van die diens verlaag.
“Ons moet verseker alle BlackBerry-gebruikers trek voordeel uit die diens waarvoor hulle betaal,” het Vodacom se hoof van tegnologie, Andries Delport, gesê. “Ons het die beperkings ingestel sodat alle gebruikers beter diens sal geniet.”
Vodacom het gesê hulle implementeer die beperkings om te verseker die 95% van BlackBerry gebruikers wat die diens regverdig gebruik nie geraak word deur “gebruikers wat die diens misbruik nie.”
Die diensverskaffer het gesê gebruikers wat hul maandelikse limiet van 100 MB oorskry se konneksiespoed sal vanaf 3G na 2G verlaag word.
Gebruikers van die BlackBerry Enterprise sal nie geraak word nie.
– Lees meer hier.
– Volg Nuus24 op Twitter.