Vlieg (eendag) na Aus in twee ure

2011-10-03 17:47

Londen – ‘n Revolusionêre ruimtetuig wat vakansiegangers sal toelaat om enige bestemming binne twee ure te bereik, kan ‘n bekende instelling in die lug word.

Michiel Mol, ‘n Formule Een-baas en mede-eienaar van die Force India-span, het saam met die Nederlandse lugredery KLM gewerk op ‘n ruimtetuig te ontwerp wat naweek-wegbreke na Australië ‘n moontlikheid kan maak.

Dié revolusionêre tuig sal lang vlugte iets van die verlede maak, met ‘n vlug van Londen na Sydney wat in  een uur 45 minute moontlike gemaak sal kan word.

Nietemin moet reisigers hul vlugte nie te gou kanselleer nie. Kommersiële vlugte op dié ruimtetuie sal na verwagting eers in 15 tot 20 jaar moontlik gemaak word.

– Lees meer by die Daily Mail

– Volg Nuus24 op Twitter