Vis hou vroue se harte gesond
2011-12-06 14:16
Kopenhagen — Vroue wat oud genoeg is om kinders te kry kan hul kanse op hartprobleme verlaag as hulle vis ryk aan omega 3-vetsure eet, het navorsers bevind.
Die studie is die eerste om vrouens tussen die ouderdom van 15 en 49 te ondersoek vir die effek wat vis in hul dieet op hartprobleme kan hê.
“Die vroue wat ongereeld of nooit vis geëet het nie, het 50% meer hartprobleme oor agt jaar ervaar as vroue wat gereeld vis geëet het,” het die navorsers gesê.
Vroue wat ongereeld of nooit vis geëet het nie, het ook ‘n 90% groter kans op hartprobleme gehad as vroue wat weekliks vis geëet het.
Die bevindinge van die Deense studie van 49 000 vroue is in die joernaal Hypertension: Journal of the American Heart Association gepubliseer.
– Volg Nuus24 op Twitter.
- AFP