Vinniger internet vir Vrystaters
2009-12-08 12:34
Bloemfontein - Danksy ‘n ywerige belangstelling in internet tegnologie en die droom om ‘n eie besigheid te besit, maak Chris Venter dit vir plaasjapies in die Noord Vrystaat en sekere dele van Noordwes moontlik om soos dorpsjapies op die internet te kan werk én speel.
Vir Chris was rekenaars eers net ‘n stokperdjie. Maar ná twee jaar as tegniese bestuurder by ‘n myngroep in Virginia het hy geweet netwerke is waarmee hy wil werk. Toe begin hy sy eie besigheid.
“Dit het stadig begin,” vertel hy. “Aanvanklik het ek net rekenaars gekoop en verkoop, geïnstalleer en herstel.” Maar soos die boere van Eleos Rekenaars te hore gekom het, het Chris al meer kilometers op die grondpaaie in die Hoopstad-omgewing afgelê. Kort voor lank het die vrae begin: het jy nie ‘n oplossing vir ons stadige internet nie?
Vind meer uit op landbou.com en lees die volledige berig in Landbouweekblad se uitgawe van 11 Desember 2009.