Vind uit wie jy meeste op Facebook afloer
2011-08-19 10:22
New York – ‘n Nuwe boekmerk op jou internet-leser kan onthul na wie jy die meeste op Facebook soek – selfs daai oulike gesiggie met wie jy nie bevriend is nie.
Dapper gebruikers kan TheKeesh besoek en daar ‘n skakel (of hierdie teksskakel) na die boekmerklys in die leser trek om uit te vind wie se profiel jy die meeste besoek.
Terwyl die gebruiker dan op Facebook se blad is, sal die lys van gunstelingmense verskyn as daar op die boekmerk gekliek word.
Die stigter van TheKeesh en die skrywer van die program, slegs bekend as Jeremy, het gesê Facebook rangskik die inligting volgens wie gebruikers die meeste kontak of wie se profiele hulle die graagste na kyk.
Die sosiale netwerk gebruik die inligting om aanbevelings te maak terwyl daar in die soekblok getik word.
“Ek neem aan hulle rangskik die lys volgens wie 'n mens die meete kontak of wie se profiel 'n mens die meeste besoek,” het Jeremy gesê.
“Basies sal jy ‘n lys van mense sien wat Facebook dink jy die meeste afloer.”
– Lees meer hier.
– Volg Nuus24 op Twitter.