Vier leeus vrek in Kgalagdi
2009-11-10 14:42
Kaapstad - ‘n Virus wat deur honde oorgedra word, het vier leeus in die Kgalagadi-oorgrenspark van die Noord Kaap, laat vrek.
Die leeus is met 'n hondesiektevirus gediagnoseer.
Hulle het tekens van krampe en stuiptrekkings gewys voordat hulle dood neergeslaan het.
Die siekte kom algemeen voor onder huishonde en word oorgedra deur direkte kontak met honde sowel as met hul liggaamsvloeistowwe.
Die enigste ander voorval van die hondesiektevirus is in die Serengeti aangemeld is. ‘n Derde van die Serengeti-leeus is vrek.
Kenners beweer egter dat die Kgalagadi-leeus te wyd verspreid is vir die virus om soveel skade aan te rig.
Hulle meen die virus sal nie verder as die geaffekteerde trop versprei nie aangesien die verskillende troppe min of selfs geen kontak met mekaar het nie.
Daar is ook bewyse dat die leeus van die Kgalagadi-oorgrenspark al vantevore aan die virus blootgestel is en gevolglik ‘n immuniteit teen die siekte opgebou het.
Dit is egter uiters belangrik dat die situasie dopgehou word indien ingryping deur die park se bestuur nodig is.