Vier SA spesies kan uitsterf

2012-09-14 10:00

Kaapstad – Vier Suid-Afrikaanse spesies is op die lys van 100 mees bedreigde spesies in die wêreld, is Vrydag berig.

Die Tafelberg-spookpadda, suurpootjie, riviermond-naaldvis en die wilde broodwortel sal waarskynlik uitsterf, aangesien hulle geen duidelike voordeel vir mense inhou nie, het die Caoe Times berig.

Tafelberg is die enigste plek in die wêreld waar spookpaddas voorkom en slegs 200 wilde broodwortels is in Mpumalanga oor.

Die bevindinge maak deel uit van ‘n lys wat deur die Internasionale Unie vir Natuurbewaring en die ZSL Londen-dieretuin by die Wêreld-bewaringskongres in Suid-Korea bekendgestel is.

Die lys is glo deur meer as 8 000 wetenskaplikes saamgestel wat vir die eerste keer saamgekom het om die mees bedreigde diere, plante en fungi te identifiseer.

– Volg Nuus24 op Twitter

 

- SAPA