Verskeie kankers eis alkoholiste meer
2011-11-16 11:23
New York – Alkoholiste het ‘n groter kans om te sterf aan keel-, mond-, en lewerkanker as mense wat matiger drink, het Italiaanse navorsers bevind.
Die navorsers het sowat 2 300 alkoholiste by die Alcohol Center in Florance tussen 1985 en 2001 ondersoek.
Hulle het ‘n hoër sterftesyfer by alkoholiste weens verskeie gesondheidskwale gevind – veral kankers in die farinks, die larinks, die lewer en die mond.
Swaar drinkers het ook ‘n groter kans gehad om aan kanker in die slukderm, die rektum, die pankreas en die borste te sterf.
“Ons studie het bevind alkoholiste het ‘n merkbaar verhoogde kans om te sterf van verskeie kwale teenoor mense wat matiger drinkgewoontes het,” het die navorser Domenico Palli van die Instituut vir Kankernavorsing en –voorkoming in Florence gesê.
Die navorsing is in die joernaal Alcoholism: Clinical & Experimental Research gepubliseer.
– Lees meer hier.
– Volg Nuus24 op Twitter.