Versamelvoëltjie? Blameer jou gene
2009-11-02 12:15
Kaapstad - Mense met 'n kompulsiewe drang om skynbaar nuttelose items in hul huise op te gaar, kan nou hul gene daarvoor blameer.
'n Onlangse studie deur King's College in Londen het aangetoon dat wanneer een lid van 'n vroulike identiese tweelinge neig om items kompulsief te versamel, die ander lid van die tweeling in 52% van die gevalle dieselfde doen.
Slegs 27% van tweelinge het dié patroon gevolg.
Volgens 'n lid van die navorsingspan, dr. David Mataix-Cols, is daar nie meer genetiese ooreenkomste tussen 'gewone' tweelinge as tussen ander broers en susters nie.
Geen bewyse kon deur die studie gevind word vir die aanname dat gedeelde omgewingsfaktore, soos opvoeding en huislike omstandighede, in die geval van tweelinge 'n invloed het op kompulsiewe opgaring nie.
Die individuele omgewingsfaktore wat 'n individu beleef het die grootste invloed op kompulsiewe versamelaars, het die studie, wat in Oktober in die American Journal of Psychiatry gepubliseer is, bevind.
"Gene is belangrik," het Mataix-Cols gesê, maar stresfaktore rondom 'n individu is nodig om 'n kompulsiewe versamelgewoonte te ontketen.
- Health24