Varkgriep-entstof sorg vir vrese oor narkolepsie
2011-02-08 19:00
Genève - Twaalf lande het vermoede gevalle van narkolepsie met varkgriep inentings verbind, het die Wêreld Gesondheidsorganisasie (WGO) Dinsdag gesê. Die organisasie se wetenskaplikes meen verdere ondersoek is nodig.
Die WGO het in ’n verklaring gesê sulke slaapversteurings, veral in kinders, is nog nie in ander entstowwe in die verlede gewaar nie. Dit is meer gereeld in Swede, Finland en Ysland te vinde.
Die Globale Adviserende Komitee vir Entstof Veiligheid (GACVS) het die data van ’n Finse studie hersien. Hierdie studie het bevind kinders wat met die Pandemrix griepentstof ingespuit is, wat deur die maatskappy GlaxoSmithKline vervaardig word, nege keer meer waarskynlik is om narkolepsie te kry as kinders wat nie die entstof ontvang het nie.
“Die komitee stem saam dat verdere ondersoek geregverdig is,” het die WGO gesê.
Die Europese Medisyne Agentskap het ook ’n ondersoek ingestel oor die vermoede verband.
Narkolepsie is ’n slaapversteuring wat uiterste moegheid veroorsaak. Dit het dikwels die effek dat die pasiënt vas slaap sonder waarskuwing, selfs in die middel van ’n aktiwiteit.
Finland se Nasionale Instituut vir Gesondheid en Welsyn het laas Augustus aanbeveel dat die entstof nie meer teen varkgriep gebruik moet word voordat die beweerde verband meer ondersoek kon word.
Volgens die WGO is die entstof in 47 lande wêreldwyd gedurende die 2009-2010 seisoen gebruik.
Volg Nuus24 op Twitter.
- Sapa - AFP