Vandag se 20-jariges leef glo tot 100

2011-08-04 11:06

Londen – Die jeug van vandag sal waarskynlik dubbel die kans van hul ouers hê om tot die ouderdom van 100 te leef, het ‘n Britse staatsdepartement gesê.

Dié land se departement van werk en pensioene het statistiek aangehaal wat beraam vandag se 20-jariges het ook driedubbeld die kans wat hul grootouers gehad het om ‘n eeu lank te leef.

‘n Baba wat vanjaar gebore is het glo agt keer die kans van die geslag wat 80 jaar gelede gebore is om eendag 'n honderd kersies te kan doodblaas.

Die getalle is op skattings van die Britse Nasionale Statistieke Departement gebaseer.

Volgens die statistiek sal daar teen 2066 ‘n halfmiljoen eeu oue Britte leef.

– Lees meer hier.

– Volg Nuus24 op Twitter.