VSA wil web-rebelle ondersteun
2011-02-16 11:54
Washington – Die Obama-regering wil hierdie jaar web-dissidente met $25 miljoen (sowat R183 miljoen) ondersteun om internet-onderdrukking in outokratiese lande te beperk.
In ’n toespraak oor internetvryheid het die minister van buitelandse sake, Hillary Clinton, gesê dit is nie maklik om bekamping van vryheid van uitdrukking op die web teen te veg nie.
Maar Clinton het ook gesê die VSA is daartoe verbind om te verseker dat die internet oop bly vir diskoers en dat regerings wat die internet probeer beperk ’n verlore stryd veg.
Sy het ook gesê die staatsdepartement, wat Twitter-rekeninge in Arabies en Farsi verlede week oopgemaak het, sou binnekort in Chinees, Hindi en Russies begin tweet.
Volg Nuus24 op Twitter.
- AP