VSA regering mag GPS gebruik om mense te volg
2010-08-27 23:54
Kaapstad – Die Amerikaanse regering mag einge tyd by jou inrit inglip en ‘n GPS-toestel aan jou motor vassit om al jou bewegings te monitor, berig Times Live.
Hierdie bisarre – en effens ontstellende – reël geld in California sowel as in agt ander state in die weste van die VSA.
Sonder enige tipe lasbrief, is dit nou moontlik vir die owerhede om jou op dié manier te volg.
Regters wat die besluit teengestaan het, waarsku dat die wetgewing Amerika in ‘n tipe totalitêre staat, soos wat George Orwell in sy boeke voorgestel het, kan verander.
Wat die situasie nog erger maak, is dat slegs ryk mense hulself teen dié inbraak op privaatheid kan beskerm.
As jy die geld het om hoë heinings om jou huis te bou, hou jy nie net boewe buite nie, maar ook owerhede wat dalk meer van jou doen en late wil uitvind.
Kliek hier vir die volledige storie.
Volg Nuus24 op Twitter.