Twitter se Top 10 tweets in 2010
2010-12-14 12:00
San Francisco – Die olieramp in die Golf van Mexiko was die onderwerp waaroor die meeste getweet is in 2010, het die sosiale webwerf Twitter Maandag bekendgemaak.
Die webwerf, wat ‘n beperking van 140 karakters per boodskap toelaat, het gesê dat hy sy Top 10 gunsteling onderwerpe van die jaar saamgestel het deur meer as 25 miljard tweets te analiseer wat deur die webwerf se 175-miljoen gebruikers opgelaai is.
Die Fifa Wêreldbeker-sokkertoernooi het in die tweede plek geëindig en was ook verantwoordelik vir twee ander posisies in die Top 10. Die vuvuzela het in die vyfde plek geëindig, terwyl Paul die siener-seekat posisie nommer 10 gehaal het.
Die fliek Inception het die derde plek gehaal, gevolg deur die Haïti-aardbewing en Apple se iPad in die sesde plek.
Dit is gevolg deur Google Android, Justin Bieber en Harry Potter & the Deathly Hallows.
“Die lys van 2010 Twitter-neigings reflekteer wat in ons wêreld aangaan, wys die krag daarinn om enige gebeurtenis of storie in ‘n gedeelde ervaring te verander en plaas klem op Twitter se waarde as ‘n inligtingsnetwerk,” het die webwerf gesê.
Volg Nuus24 op Twitter
- Sapa-DPA