Turkye wil YouTube blok oor politikus se seksvideo
2010-11-03 10:05
Ankara – 'n Nuusagentskap in Turkye berig die land se telekommunikasie-owerheid wil toegang tot YouTube blokkeer tensy die webwerf ‘n video van ‘n gewese opposisie leier verwyder waar hy besig is om seksueel te verkeer.
Deniz Baykal het in Mei bedank nadat die seksvideo op die internet verskyn het.
Volgens die Anatolia-nuusagentskap het ‘n hof beslis dat die aanlyn-videoplatform geblokkeer moet word. Die hof het die telekommunikasie-owerheid Dinsdag oor hul besluit ingelig.
Telekommunikasiebeamptes gaan YouTube vra om óf die video te verwyder.
Indien YouTube nie toegee nie, sal toegang tot die webwerf in Turkye geblokkeer.
Turkye het Saterdag ‘n twee jaar lange verbod op YouTube gelig.
Die webwerf was geblok omdat video’s wat die land se stigter, Mustafa Kemal, beledig, geplaas is.
Hierdie video’s is intussen verwyder.
- Volg Nuus24 op Twitter.
- AP